ბლოგი

თამაში ბავშვის ჯანსაღი განვითარებისთვის ისევე აუცილებელია, როგორც კვება, სუფთა ჰაერი და ჰიგიენა. ბავშვი თამაშით ეცნობა სამყაროს, ივითარებს წარმოსახვასა და ფანტაზიას. სწავლობს ახალ რაღაცეებს და იქმნის წარმოდგენებს გარესამყაროს შესახებ. ამიტომ სათამაშო პირველ წლებში უმნიშვნელოვანეს როლს თამაშობს პატარების ცხოვრებაში, შესაბამისად მისი სწორად შერჩევა საპასუხისმგებლო და ამავე დროს რთული საკითხია.  მშობლები ყველაზე მეტად ითვალისწინებენ ბავშვის ინტერესებს სხვადასხვა მულტფილმის მიმართ და მის შესაბამის სათამაშოს ყიდულობენ. ზოგიერთი მათგანი პირდაპირ ეკითხება პატარას თუ რა გაუხრადება. თუმცა საქმე ასე მარტივად არ არის. იმის ფონზე რომ საქართველოში სათამაშოების მაღაზია ყოველ ფეხის ნაბიჯზე გვხვდება, მისი შერჩევა იმაზე რთულია ვიდრე გგონიათ.  სათამაშოს ყიდვის დროს აუცილებლად უნდა გაითვალისწინოთ: ბავშვის ასაკი - აუცილებელია სათამაშო შეუსაბამოთ ბავშვის ასაკს. ეს პირველ რიგში უსაფრთხოებისთვისაა საჭირო. თუ თქვენს შვილს მასზე უფროსისთვის გათვალისწინებულ სათამაშოს უყიდით შეიძლება თავი დაიზიანოს ან მცირე ნაწილები გადაყლაპოს. ხოლო თუ პირიქით მოხდება და იმაზე პატარა ასაკისთვის განკუთვნილ სათამაშოს უყიდით ვიდრე თქვენი შვილია ადვილი შესაძლებელია მას არ მოეწონოს ან უბრალოდ თქვენი პატარას განვითარება შეაფერხოს.  საგანმანათლებო დატვირთვა - როგორც ზემოთ ვახსენეთ სათამაშოს გარდა გართობისა საგანმანათლებო დატვირთვაც აქვს. შეეცადეთ რომ სამი სათამაშოდან ერთი მაინც იყოს ისეთი, რომლის დახმარებითაც ბავშვი რაიმეს ისწავლის. ეს შეიძლება იყოს დათვლა, კითხვა ან თუნდაც ლაპარაკი.  უსაფრთხოება - ეს ყველაზე მნიშვნელოვანი ფაქტორია სათამაშოს შერჩევის დროს. აუცილებლად კარგად გაეცანით მის ხარისხს და ჰიგიენის სერთიფიკატს, ასევე ასაკობრივ ზღვარს და მწარმოებელს (ქვეყანა, ქალაქი, იურიდიული მისამართი) უპირატესობა მიანიჭეთ ნატურალური საღებავებით შეღებილ სათამაშოებს, დაუშვებელია ისეთი სათამაშოს შეძენა, რომლის საღებავიც შეიცავს შხამიან ელემენტებს - კადიუმს და ტყვიას.  განსაკუთრებული ყურადღება გმართებთ 3 წლამდე ასაკის ბავშვის სათამაშოების შეძენისას, ამ დროს გასათვალისწინებელია სათამაშოს ფერი, ზომა და ფორმა თქვენი შვილის უსაფრთხო გართობისთვის. 

რა არის საჭირო იმისათვის რომ თქვენმა შვილმა თავი კომფროტულად იგრძნოს? - თბილი და მყუდრო სახლი, მშობლებთან სიახლოვე, გემრიელი საჭმელი, საყვარელი სათამაშოები და რა თქმა უნდა წიგნები. არ გაგიკვირდეთ რომ ამ ჩამონათვალში წიგნიც მოიაზრება, რადგან მას ბავშვისთვის იმაზე დიდი მნიშვნელობა აქვს ვიდრე წარმოგიდგენიათ.  გთავაზობთ 10 მიზეზს თუ რატომ არის წიგნი მნიშვნელოვანი თქვენი პატარებისთვის: წიგნის კითხვა ბავშვს აძლევს  საშუალებას იყოს მშვიდად და უდარდელად  გადატვირთული რეჟიმის დროს მოთხრობები აუმჯობესებს  წარმოსახვის უნარს. წიგნის კითხვის დროს უფრო მეტი კავშირი აქვთ მშობლებს და შვილებს მოთხრობები ბავშვებში აყალიბებს დამკვირვებლობის და დისკუსიის უნარს ნახატებიანი წიგნები ბავშვებს სურვილს უჩენს წერისა და ხატვისადმი განსხვავებული წიგნების კითხვით ბავშვებს უყალიბდებათ ლექსიკა და ინტერესი სხვადასხვა ენების მიმართ კითხვის მოსმენა ეხმარება ბავშვებს გაიუმჯობესონ საუბარი.  წიგნები ბავშვებს გარკვეულ ცოდნას უყალიბებს გარემოზე  

ხატვის აღმზრდელობითი მნიშვნელობა და ბავშვზე მისი გავლენა ძალიან დიდია. მიუხედავად იმისა თქვენი შვილი ხატავს თუ არა კარგად, აუცილებელად დაუთმეთ კვირაში რამდენიმე საათი  მის შესწავლას. როცა ბავშვი ბევრს ხატავს, ხდება ხატოვანი აზროვნებისა და მეხსიერების სრულყოფა, იხვეწება გემოვნება. გარდა ამისა ხატვას აქვს ბევრი დადებითი მხარე. ხატვა ხელს უწყობს ბავშვის შინაგანად განცდილის გარეთ გამოტანის მოთხოვნილების დაკმაყოფილებას.  ხატვის დროს ვითარდება მხედველობა და აღქმა, უმჯობესდება მეხსიერება. ბავშვი ეცნობა, მცენარეებს ცხოველებს გარემოს, ამის საშუალებით კი უვითარდება ფანტაზია. უმჯობესდება ცნობისმოყვარეობა და ნებისყოფა. ხატვა ხელს უწყობს აზროვნების განვითარებას. ბავშვი ცდილობს ფანტაზია და რეალობა გააერთიანოს და ფურცელზე გადმოიტანოს.  ხატვა ეხმარება ბავშვს თვითშეფასებისა და თავდაჯერებულობის განვითარებაში. როცა თქვენს შვილს ნამუშევარს შეუქებთ მას მოუნდება უფრო და უფრო კარგად დახატოს. თუმცა ნუ იქნებით არაგულწრფელები, ბავშვები ადვილად ხვდებიან სიყალბეს, ამიტომ ეცადეთ მის ნახატში ნამდვილად ღირებული რამ აღმოაჩინოთ და ამას გაუსვათ ხაზი.  საბოლოოდ შეგვიძლია ვთქვათ, რომ ხატვა დიდ როლს ასრულებს ბავშვის ფიზიკური, ემოციური და კოგნიტური უნარების განვითარებაში.